---
title: "Gönül derdinle bîmâr oldu dermâna eriş ey yâr"
url: "https://www.naksibend.com/beyitler/gonul-derdinle-bimar-oldu"
type: "beyit"
poet: "Hulusi Efendi"
---

# Gönül derdinle bîmâr oldu dermâna eriş ey yâr

## Türkçe

Gönül derdinle bîmâr oldu dermâna eriş ey yâr
Yanar hasret odundan ana ihsâna eriş ey yâr

Terahhum eyleyip imdâd kıl bî-çâre hâline
Firâkınla harâb oldu bu dil-hâne eriş ey yâr

Tahammül kılmağa tende mecâlim kalmadı aslâ
Bu eflâke çıkan zâr ile efgâna eriş ey yâr

Tefekkür eyleyip her dem hayâlini bu cânımda
Sevindirip nihâyet ver bu hicrâna eriş ey yâr

Bu dîdem görmeyi ister cemâl-i bâ-kemâlini
N’olur teşrîf kıl bu dil-i vîrâna eriş ey yâr

Bu nefs-i bed-likânın leşkeri yağmâ eder varım
Kerem kılıp inâyetle bu tuğyâna eriş ey yâr

Hulûsî’nin diğer-gûn oldu hâli işbu derdinden
Edip lutfu bu ahvâl-i perîşâna eriş ey yâr