---
title: "Muhabbet âşıkın can nâkdidir"
url: "https://www.naksibend.com/beyitler/muhabbet-asikin-can-nakdidir"
type: "beyit"
poet: "Hulusi Efendi"
---

# Muhabbet âşıkın can nâkdidir

## Türkçe

Muhabbet âşıkın can nâkdidir canana layıksa
Visalin arz eder ma'şuku âşık cana layıksa

Gedâ oldur ki şâhın asitanından çevirmez yüz
Verir sultan olan bir bendene ihsâna layıksa

Girip meyhâneye pir-i meye ol bende-i sâdık
Sunar sâki sana meyhanede peymâne layıksa

Gözet adab-ı Hakkı aşinay-ı Hakk olandan ol
Budur âlemde hoş hulk u edeb insana layıksa

Tabib-i hazıkı bul yareni arz eyle teslim ol
Ânı timar eder ne vech ile dermana layıksa

Mukayyed eylemezler âkilli zincir-i sevdâya
Ser-i sevda-yı zülfe bağlanır divâne layıksa

Kişiye menfaat vermez meta-ı âlem-i sûret
Harab olsa alırlar dergeh-i sultâna layıksa

Neden feryâdı dinmez bülbülün firkatten âh eyler
Cemâlin arz eder gül bülbül-i nâlana layıksa

Hulûsi âlem-i hayret imiş cânan ile vuslat
Yetirmekmiş özün gayrı koyup hayrana layıksa