Bu ne meyhanedir kim hep der ü divarı kandandır Bu ne peymanedir kim sâgar u sahba-yı candandır Nice sâkîdir ol meyhanenin saki-i devrânı Satar bir câna bir mey müşterîsi âşıkândandır Kimesne ol makâmı akl u fikr ü ilm ile bilmez Görünmez kandadır dâr u diyârı lâ-mekândandır Ne pervâne bilir anı ne bülbül zâr ile anlar Bu bir sırr-ı nihândır kim görünür hep ayândandır Bilenler sırrını aşkın bu esrarı bilirler kim Hulusîden değil bu söz o yâr-ı mihribândandır